Reynslusögur

umsagnir og sögur af árangri

image

Fór niður um 20% í fituprósentu

"Mér líður svo mikið betur, bæði líkamlega og andlega"

Lesa meira
image

Efldi líkamsstyrk og öryggi

Unglingur sem fann loks íþrótt sem hentaði sér

Lesa meira
image

Jafnaði sig á meiðslum

og náði að styrkja sig

Lesa meira
image

Missti 26 kg

á aðeins þremur mánuðum

Lesa meira
image

Missti 61 kg á einu ári!

Ótrúlega sagan hans Símonar

Lesa meira
image

Fór loksins að huga að heilsunni

og missti 50 kíló!

Lesa meira
image

Léttist um 40 kg

og fór á vit ævintýranna og lærði leiklist í Hollywood

Lesa meira
image

Þetta gæti verið Þú

Skráðu þig í frían prufutíma

Smelltu hér

Hanna hefur ekki bara verið dugleg á æfingum heldur tók hún einnig á mataræðinu. Þetta hefur hjálpað henni að komast í betra form bæði líkamlega og andlega. Sagan hennar er frábært dæmi um hvernig mataræði og líkamsrækt geta haft jákvæð áhrif bæði á heilsu og líðan.
Ég var alltaf frekar þung sem krakki, en á unglingsaldri náði ég að grenna mig og komst í kjörþyngd. Ég var þó aldrei ánægð með útlitið mitt og hafði lítið sjálfstraust. Í 8. bekk í grunnskóla greindist ég svo með áreynsluastma, sem hefur alltaf dregið aðeins af mér í íþróttum. Í 9.-10. bekk fór ég að þyngjast smávegis, en í menntaskóla þyngdist ég alltaf meira og meira. Var komin með ógeð á sjálfri mér, var alveg dugleg í ræktinni, en sá þó aldrei neinn árangur. Ef eitthvað var, þá þyngdist ég bara enn meira. Ég borðaði líka mjög óhollan mat, mikið af skyndibitamat og brauði og engin regla var á því hvenær ég borðaði. Stundum borðaði ég kannski bara tvisvar eða þrisvar á dag, stundum oftar, en oftast var það eitthvað óhollt. Astminn minn varð líka alltaf verri og verri eftir því sem ég þyngdist.

Í byrjun ársins 2013, var ég alveg á því að ég yrði að grennast. Ég var algjörlega komin með nóg af sjálfri mér og sjálstraustið orðið að engu. Ég tók þátt í einhverri peningaáskorun, þar sem sá sem léttist mest á þremur mánuðum myndi vinna pening. Ég fór í mælingu hjá þeim og var ekki sátt þegar ég kom út, enda var fituprósentan mín mjög há og ég hafði aldrei verið eins þung. Þetta var í byrjun febrúar og varð mín hvatning til þess að grennast. Ég byrjaði að æfa fitnessbox hjá Hnefaleikastöðinni, en ég hafði prófað það áður og fundist gaman. Ég breytti einnig mataræðinu alveg, enda langaði mig að vinna þessa keppni sem ég var í. Vissi samt að ég myndi ekkert endilega vinna hana, en hún hvatti mig samt áfram í að vilja grenna mig. Ég byrjaði bara hægt í fitnessboxinu, reyndi að mæta allavega 3x í viku og passaði að borða hollt. Svo fór ég alltaf að mæta oftar og oftar og reyndi að mæta alla virka daga og suma laugardaga líka. Á þessum þremur mánuðum sem keppnin stóð yfir missti ég um 6 kg. og svolítið af fituprósentu.

Þegar ég hafði séð þennan árangur var ekki aftur snúið. Ég hélt áfram í fitnessboxinu og að borða hollt. Í lok nóvember 2013 hafði ég náð af mér 20 kg. og 15% af fitu frá því ég byrjaði. Ég var svo ánægð með árangurinn minn, enda var markmiðið mitt að ná af mér 20 kg. Sjálfstraustið mitt var aðeins á uppleið. Núna er ég búin að missa rúmlega 20 kg. og um og yfir 20% af fitu. Ég finn ennþá fyrir astmanum, þá sérstaklega í hlaupum, en hann er orðinn svo miklu betri en hann var og er ég næstum því alveg hætt að nota astmalyfið mitt. Einnig var ég með bakflæði en það er nánast alveg horfið líka með breyttu mataræði, þó svo ég finni stundum fyrir því. Ég gerði mér aldrei fullkomlega grein fyrir því hvað ég var orðin alltof þung fyrr en ég fór að skoða gamlar myndir af mér, eftir að ég grenntist. Sé það núna hvað ég hafði mikla þörf á því að grennast og hvað heilbrigður lífsstíll hefur gert mikið fyrir mig.

Ég mæli 100% með fitnessboxinu! Það hefur hjálpað mér ótrúlega mikið, ég hef bæði fengið mikinn styrk, náð að grennast helling og þolið mitt hefur aukist mjög mikið. Ég er ennþá á fullu í því og þetta er bara svo gaman! Það er líka svo gott við fitnessboxið að allir gera bara æfingarnar á sínum hraða, svo eru þjálfararnir alltaf að hvetja mann áfram. Ég hef aldrei verið í jafn góðu formi og sjálfstraustið mitt er alltaf á uppleið. Mér líður svo mikið betur, bæði líkamlega og andlega.

  • Eini staðurinn þar sem mig hefur virkilega hlakkað til að mæta á æfingar, ekkert nema frábært andrúmsloft og frábærir þjálfarar!

    - Daníel

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
Самая качественная в округе гидроизоляция подвала